Mënyra se si ta mbyllni njëherë e përgjithmonë llogarinë e juaj në Facebook

Të lodhur nga njoftimet e shumta, pëlqimet e fotografive nga miq të largët apo të panjohur, apo komente nga ata që i njihni por nuk i doni aspak.

Mjaftojnë si arsye, që jeni të lodhur nga shfrytëzimi i rrjetit social Facebook dhe duhet ta mbyllni njëherë e përgjithmonë llogarinë e juaj, sepse më nuk iu interesojnë eventet që zhvillohen dhe bezdiseni nga fotografitë e pafund të miqve nëpër pushime.

E tëra që duhet të bëni, është të shkoni te trekëndëshi që shihni në fund të shiritit të pjesë së sipërme dhe të klikoni në Settings.

Shkoni të Facebook Information dhe në anën tjetër zgjidhni opsionin Deactivtion and Deletion, pastaj të klikoni Deactivitation, kur të jetë hapur dritarja tjetër. Shkruani fjalëkalimin, pranoni daljen dhe ju jeni një njeri i lirë.

Mirëpo, para të kryeni këtë mënyrë të lehtë të mbylljes së llogarisë, duhet të kryeni edhe disa procedura, që të siguroheni për të dhënat e juaja.

Kujdesuni që të mbyllni të gjitha qasjet në aplikacione te treta, apo kudo që jeni kyçur për të marrë ndonjë informacion që dikur iu është dukur i nevojshëm.

Sa herë që keni llogaritur, se mund të gjeni ndonjë fotografi tuajën apo të afërmve tuaj dhe nuk e keni marrë mundin për ta ruajtur, tani duhet ta bëni, sepse më nuk do ta keni llogarinë e hapur.

Zgjidhni kualitetin më të lartë të fotografive dhe ruani ato në platforma të ndryshme, sepse mbase do iu duhen ndonjëherë. Tani duhet të mbani mend edhe ditëlindjen e miqve, sepse Facebook nuk do ua kujtojë më.

Si një njeri i lirë që jeni, tani mund të merrni një pije apo akullore që të freskoheni në këto të nxehta, ndërsa ta dini se llogarinë në Facebook, mund ta hapni kurdo dhe do ta gjeni në gjendjen si e keni lënë.

loading…