Kryetari i PDSH-së

Menduh Thaçi: Kisha ofertë që ta braktis Frontin dhe t’i bashkohem qeverisë

Kryetari i PDSH-së, Menduh Thaçi ka thënë se ka pasur ofertë që ta braktisë Frontin dhe t’i bashkohet qeverisë në Maqedoninë e Veriut.

Thaçi në emisionin Pressing në T7 tha se kushti kryesor i Frontit ishin ndryshimet kushtetuese.

“Edhe unë kam pas ofertë zyrtare të vecantë. Kushti kryesor i Frontit ishin ndryshimet kushtetuese, procesi integrues. Ne nuk kemi arrit të vzhdojmë më tutje. Ne dy herë kemi pas takime zyrtare. Është testu gatishmëria e të dy anëve, ne fund jemi përshender pa nis me caktu pozitat”, tha Thaçi.

Kuvendi i Maqedonisë së Veriut ka votuar të dielën në mbrëmje Qeverinë e re, në krye me liderin e partisë VMRO-DPMNE, Hristijan Mickoski, pas fitores në zgjedhjet e 8 majit.