Gazetari Lirim Mehmetaj ka ironizuar edhe një herë me dy ministrat në detyrë, Hekuran Murati dhe Artane Rizvanolli, për disa deklarata të tyre.

Mehmetaj përmendi polemikën e Muratit me zyrtarët nga Presidenca për shkak të tarifës 10% ndaj SHBA-së, ndërsa për Rizvanollin u kap te deklarata e saj se gjatë verës konsumi i rrymës është i lartë ndoshta për shkak të kultivimit të drogës dhe kriptovalutave.

“A ju kujtohet nje kohe qysh eshte pas fetishizu kjo fraza “eshte shkollu jashte”. Kur dojshin me lavdu dike thojshin “po ai/ajo eshte shkollu jashte”… Ose, me pas me marr shtetin “qeta qe jane shkollu jashte”… Qe, qeta 2 jane shkollu jashte”, tha Mehmetaj.

“Ky Hekuran Murati dje e akuzojke Presidencen pse po lyp me ia heq tarifat mallrave amerikane mas orarit te punes, e kjo tjetra Artane Rizvanolli deklarojke qysh qeto amviserite qe po harxhojne rryme ma shume, nashta jane ka merren me kultivim droge”, vazhdoi ai më tutje.

Në fund, edhe një herë e përmendi faktin se ministrat janë të shkolluar jashtë, por se kjo sipas tij nuk nënkupton domosdoshmërisht edhe performancë të mirë qeveritare.

“Keta jashte jane te shkolluar, keta budalle”, përfundoi Mehmetaj në Facebook.