Dimtry Medvedev, nënkryetar i Këshillit të Sigurimit të Rusisë, i cili drejtohet nga Vladimir Putin, tha pas sulmit të SHBA-së ndaj Iranit se disa vende ishin gati të furnizonin Iranin me armë bërthamore. Ai nuk specifikoi se cilat vende, por tha se sulmi i SHBA shkaktoi dëme minimale dhe nuk do ta ndalonte Teheranin të zhvillonte armë bërthamore.

Ministria e Jashtme ruse tha se “dënon fuqishëm” sulmet ajrore, duke i quajtur ato “një shkelje të rëndë të ligjit ndërkombëtar, Kartës së Kombeve të Bashkuara dhe rezolutat e Këshillit të Sigurimit të OKB-së”, transmeton Ballkani.info.

“A e tha vërtet këtë?”

Presidenti i SHBA Donald Trump komentoi deklaratat nga Moska në platformën e tij “Truth Social”: “Sapo dëgjova ish-Presidentin e Rusisë Medvedev të përmendi ‘fjalën N’ (bërthamore!) dhe të thoshte se ai dhe vendet e tjera do t’i dorëzonin Iranit koka bërthamore?

A e tha vërtet këtë apo është thjesht imagjinata ime? Nëse vërtet e ka thënë këtë dhe nëse vërtetohet, ju lutem më njoftoni MENJËHERË. “Fjala N” nuk duhet të përdoret kaq lehtë. Mendoj se kjo është arsyeja pse Putini është “Shef””.

“Nëndetëse tona bërthamore janë armët më të fuqishme dhe më vdekjeprurëse të ndërtuara ndonjëherë”

Trump më pas lavdëroi teknologjinë ushtarake amerikane: “Meqë ra fjala, nëse dikujt i bëri përshtypje “hardueri” ynë gjatë fundjavës, më duhet të them se nëndetëset tona bërthamore janë padyshim pajisjet më të fuqishme dhe më të mira që kemi, 20 vjet përpara çdo gjëje tjetër.

Ata janë armët më të fuqishme dhe më vdekjeprurëse të ndërtuara ndonjëherë, dhe ata sapo lëshuan 30 Tomahawks – të 30 prej tyre goditën objektivin në mënyrë të përsosur. Pra, përveç pilotëve tanë të mëdhenj luftarakë, faleminderit edhe kapitenit dhe ekuipazhit!” /Ballkani.info/