Mediumi gjerman shkruan për shqiptarët që e kthyen hotelin në shtëpi të kanabisit: Ata ishin “kopshtarë”
Ata ishin “kopshtarë” me një plantazhë të madhe të kultivimit të kanabisit në mes të qytetit gjerman Mettmann: dy shqiptarët Eugert Q. (21) dhe Erblin S. (32) kishin kultivuar 1400 rrënjë kanabisi në një hotel të zbrazur me 48 dhoma dhe një sallon ku luhej Bowling, kontrata vjetore: rreth dy milion euro.
Ndaj dy shqiptarëve tani rëndon akuza për ndihmimin në kultivimin e kanabisit. Gjithashtu procedurë e rëndë penale pritet edhe për pronarin e hotelit.
Sipas avokatëve të dy shqiptarëve, Felix Menke dhe Gerd Meister, dy klientët e tyre kishin ardhur në Gjermani me premtimin për të punuar në ndërtimtari, por pasi erdhën u dërguan në një plantazhë tepër profesionale – pikërisht dy jave përpara se të arrestoheshin, shkruan media gjermane Bild.de, përcjell Express.
Gjithashtu, shefin e tyre ata nuk e kanë njohur. Si shpërblim, ata do merrnin 3000 euro. Deri tani ata kanë qëndruar shtatë muaj në paraburgim, kurse me vendim përfundimtar, Gjykata pritet të dalë në 1 qershor.
