Fjalimi i mbrëmshëm i presidentit serb Aleksandar Vuçiq ka tërhequr vëmendjen në mediat ruse, veçanërisht deklarata e Vuçiqit për mosvendosjen e sanksioneve ndaj Federatës Ruse.
Portali lenta.ru citon Vuçiqin të ketë thënë se “Serbia nuk do të vendosë sanksione ndaj Rusisë bazuar në parimet e saj morale”.
“A po fitojmë para prej saj apo jo? Jo. A kemi shumë telashe për shkak të kësaj? Po, ne po. A jam i sigurt se do të heshtim? Jo, nuk jam i sigurt”, citon lenta.ru Vuçiqin, duke shtuar se për të, “cila do të jetë pozicioni ligjor dhe moral” i Serbisë është “shumë më i rëndësishëm”.
Portali yamal-media.ru raporton edhe deklaratën e Vuçiqit se hyrja në sanksione anti-ruse do të ishte një gjë e gabuar nga pikëpamja morale.
Vuçiq theksoi se vendosja e sanksioneve krijon probleme shtesë për Serbinë dhe nuk i sjell asnjë përfitim vendit. Megjithatë, presidenti serb ka bërë të ditur se synon të vazhdojë kursin e tij të pavarur, pavarësisht presioneve nga perëndimi, transmeton portali.
“Sipas Vuçiqit, vendet perëndimore përdorin rregullisht standarde të dyfishta në raport me Rusinë. Shtetet e Bashkuara dhe aleatët e tyre e injorojnë veçanërisht integritetin territorial të Serbisë, por vazhdimisht ngrenë çështjen e integritetit të Ukrainës”, shkruan yamal-media.ru, duke kujtuar se lideri serb më parë kishte thënë se do të pajtohej me vendosjen sanksioneve ndaj Rusisë vetëm në një “situatë të dëshpëruar”.
Agjencia ruse RBC shkruan se Vuçiq ka thënë se “Shtetet e Bashkuara nuk do të kishin vendosur sanksione ndaj Vulinit nëse Serbia do të kishte pranuar të vendoste sanksione ndaj Rusisë”. Uashingtoni, shkruajnë ata, akuzoi Vulinin për ndihmën e Rusisë në drejtimin e një politike të destabilizimit të situatës në Ballkanin Perëndimor.
RBC citon Vuçiqin kur thotë se pozicioni moral i Serbisë është gjëja më e rëndësishme.
Ata theksojnë se Vuçiq ka thënë disa herë deri më tani se Serbia është nën presion për shkak të refuzimit të saj për të vendosur sanksione ndaj Rusisë. Ai tha se nuk e dinte se sa kohë do të mund të rezistonte Serbia dhe pranoi se në një moment do të duhej të dorëzohej”.
Ruska Gazeta në raportin e saj kujton ndër të tjera se Vuçiq ka thënë më 2 korrik se Serbia udhëheq politikë të pavarur dhe se nuk do të vendosë sanksione ndaj Rusisë përderisa ajo mund t’i rezistojë presionit.







