“Më e mira” – publikohet dueti i Ermal Fejzullahut dhe Romeo Veshajt
Këngëtari i mirënjohur, Ermal Fejzullahu ka lansuar këngën e re në bashkëpunim me Romeo Veshajn.
Të dy prej ditësh kanë paralajmëruar këngën e re, e cila është publikuar sot (e shtunë) e shoqëruar bashkë me videoklip.
Kënga mban titullin “Më e mira” teksa është ritmike dhe plot adrenalinë duke iu përshtatur sezonit të verës.
Foto: Screeshot/YouTube
Producent i këngës është Elgit Doda, i cili është kujdesur edhe për tekstin bashkë me Romeon.
Ndërkaq, për miksimin dhe masterizimin e këngës është përkujdesur Marenglen Boja, teksa klipi iu besua produksionit ‘Full Moon’.
Theksojmë që krahas moderimit dhe aktrimit, Romeo bashkë me Donaldin tashmë janë fokusuar edhe në botën e muzikës.
Vëllezërit deri më tani numërojnë disa projekte që rezultuan të suksesshme dhe po priten mirë nga fansat e tyre.
Krahas kësaj, Romeo dhe Donaldin kanë vazhduar angazhimet edhe në koncerte e mbrëmje muzikore. /Telegrafi/
