Mbytet një person në bregdetin e Durrësit
Shënohet një tjetër viktimë në Durrës.
Sot, rreth orës 11:20, në lagjen 13 në Durrës, në afërsi të pistës “Iliria”, një shtetas ende i paidentifikuar, i seksit mashkull, rreth 70 vjeç, 1.75 cm i gjatë është futur në det dhe nuk është ndjerë mirë, ai është nxjerrë nga pushuesit dhe është transportuar në Spitalin Rajonal Durrës, ku ka ndërruar jetë.
Nga këqyrja paraprake e kufomës nuk janë konstatuar shenja dhune.
Dyshohet se shkaku i vdekjes të ketë qenë arrest kardiak.
Po punohet për identifikimin e kufomës.
Një ditë më parë një tjetër i moshuar nga Durrësi u mbyt në det.
