Mbreti Charles në Gjermani në vizitën e parë ndërkombëtare si monark britanik
Mbreti Charles III tha se ishte “thellësisht i prekur” nga pritja e ngrohtë në një ndejë në mbrëmje me zyrtarët gjermanë të mërkurën, në vizitën e tij të parë ndërkombëtare si monark i ri i Britanisë.
Duke folur për një audiencë në Kështjellën Bellevue, ku ishte presidenti gjerman Frank-Walter Steinmeier dhe ish-kancelarja gjermane Angela Merkel, Charles siguroi se ai do të bëjë gjithçka për të përforëcuar lidhjet mes Gjermanisë dhe Britanisë së Madhe.
Ai shtoi se të dyja shtetet qëndruan krah për krah në avancimin e “vlerave të tyre të përbashkëta demokratike”.
“Kjo është bërë kaq e qartë sot, pasi ne qëndrojmë së bashku me Ukrainën në mbrojtje të lirisë dhe sovranitetit përballë agresionit të paprovokuar,” tha Charles.
Charles dhe Queen Consort Camilla shkuan në aeroportin qeveritar të Berlinit herët pasdite të mërkurën.
Gjatë një pritjeje pasdite në Palace Bellevue, rezidenca zyrtare e presidentit gjerman, Steinmeier e quajti vizitën “një gjest të madh personal”.
Charles fillimisht kishte planifikuar të vizitonte Francën përpara se të shkonte në Gjermani, por pjesa e parë e udhëtimit të tij u anulua për shkak të protestave masive mbi përpjekjet e qeverisë franceze për të rritur moshën e pensionit të vendit me dy vjet, shkruan Euronews.
