Shkallë prej druri
Mbi shkallën prej druri më të gjatë në botë
Është ndoshta shkalla e drunjtë më spektakolare në botë. Sigurisht është më e gjata. Kur vini këmbë tek e para nga 4444 shkallët, ajo mund të kërcasë pak, por pasi të keni arritur në majë, 775 metra mbi nivelin e detit, mund të shijoni peizazhin e mrekullueshëm mbi Lysefjord.
Shkalla e drunjtë e Flørli, në Norvegji, është ende një atraksion kulturor për pak turistë. Megjithatë, në muajt e fundit po tërheq gjithnjë e më shumë turistë dhe kureshtarë. Ky ndërtim i drunjtë, i cili duket i pambarimtë, numëron 4444 shkallë.
Pas rreth 4 orësh ju do të arrini në majë, në digën Ternevass, 755 metra mbi nivelin e detit. Sigurisht, nëse lexoni komentet në web të atyre që janë ngjitur – kur të arrini në majë, do të befasoheni. Ndjesia e lirisë dhe lumturisë aty janë të papërshkueshme.
Preikestolen
Peizazhi i mrekullueshëm
Nga këtu, në fakt ju mund të shijoni peizazhin e mrekullueshëm të Preikestolen, fjordi (i gjatë dhe i ngushtë) më jugor i Norvegjisë. “Shkalla drejt qiellit” e zhytur në natyrë, e pjerrët dhe mahnitëse, është e përshtatshme edhe për familjet me fëmijë: në shkallën e “1000” ju mund të vendosni të ktheheni pas duke zbritur një shteg që përshkon fjordin.
Peizazhi mbi fjord
Shkalla e drunjtë e Flørli mund të arrihet vetëm më këmbë ose me traget. Thonë që shkalla e parë mund të kërcasë pak. Megjithatë, është e fortë si një gur: në të kaluarën shkallët janë përdorur nga hidrocentrali historik i Flørli, i ndërtuar në vitin 1916. Në fakt, në Flørli gjendet vetëm ky hidrocentral, ku mund të pini një kafe apo të hani diçka në Power Café.
Power Café në Flørli
Nëse koha është e përshtatshme ju mund të vizitoni ekspozitën në dhomën e kontrollit dhe të mësoni më shumë për historinë e veçantë të Flørli.
Dhoma e kontrollit
Ndërsa Lysefjord, është një destinacion shumë i famshëm i Norvegjisë, veçanërisht nga njerëzit që pëlqejnë ekskursionet – është i gjatë 42 kilometra dhe rrethohet nga malet e larta të vargmalit Kjerag. Ndër të tjera është i famshem për Preikestolen, një pikë vëzhgimi interesante, një platformë natyrore 25 x 25 metra me pamje mbi fjord.
