Statistika

Mbi 200 persona kërkuan ndihmë në Emergjencë vetëm në 24 orët e fundit

17 raste kanë kërkuar ndihmë mjekësore si pasojë e aksidenteve në trafik

Klinika Emergjente e Qendrës Klinike Universitare të Kosovës (QKUK) ka qenë e mbingarkuar në 24 orët e fundit.
Bazuar në statistikat e kësaj klinike, vetëm për 24 orë, në këtë klinikë shërbime mjekësore kanë marrë 209 pacientë.

Në dhomën e reanimacionit ka pasur 44 raste, po ashtu 44 raste kirurgjike, 79 raste internistike, 36 raste ishin në dhomën ortopedike.

17 raste kanë kërkuar ndihmë mjekësore si pasojë e aksidenteve në trafik.

Nga emergjenca, për trajtim të mëtejmë në klinikat e tjera të QKUK-së, janë pranuar 23 pacientë.