Masat e reja anti-Covid, Policia e Kosovës del me një njoftim

Policia e Kosovës ka treguar se kanë shtuar angazhimin për zbatimin e masave anti-COVID.

Nga ky institucion kanë thënë se do t’i ndëshkojnë të gjithë ata që nuk i zbatojnë këto masa.

“Policia e Kosovës, që nga paraqitja e rasteve të para me COVID19, ka hartuar dhe zbatuar planin operativ ku parashihen masa konkrete policore për parandalim të përhapjes së pandemisë. Ky plan ka pësuar ndryshime varësisht prej vendimeve të institucioneve dhe me masat antiCOVID që janë ndërmarrë. Policia edhe tani, me marrjen e masave të reja, do të angazhohet në zbatim të vendimit dhe detyrave që bien në fushë-veprimin e policisë. Andaj, kërkojmë nga të gjithë qytetarët që të zbatojnë masat në të mirë të shëndetit publik në mënyrë që të gjithë së bashku ta kalojmë sa më lehtë edhe këtë valë. Policia do të vazhdojë aktivitetet policore dhe ndërmarrjen e masave ndëshkuese ndaj aryre që nuk zbatojnë masat.”, thuhet në njoftimin e tyre.