Masat e reja anti-Covid: Në ceremonitë e varrimit lejohet vetëm familja e ngushtë
Në kuadër të vendimit të Qeverisë për masat e përgjithshme për kontrollin, parandalimin dhe luftimin e pandemisë COVID-19, është përfshirë edhe kufizimi në rastet e varrimit dhe pritjes për ngushëllime.
Në bazë të vendimit, që pritet të hyjë në fuqi më 30 gusht, lejohen funeralet vetëm me pjesëmarrje të familjes së ngushtë, duke siguruar që pjesëmarrësit të mbajnë distancë fizike prej 1.5 metër nga njëri-tjetri.
Organizimi i pritjes për ngushëllim është ndaluar në kuadër të masave të reja.
Numri i personave në ambiente të mbyllura që është lejuar nga MSH’ja është 30.
Ndërkaq për grumbullimet dhe ngjarjet kulturore në ambiente të jashtme lejohen deri në pesëdhjetë persona.
