Kryenegociatori serb, Petar Petkoviq e ka quajtur “fitore” të Serbisë marrëveshjen për targa të arritur mbrëmë në Bruksel.
Sipas Petkoviq, kjo tregon se nuk do të ketë politikë ndëshkuese ndaj serbëve që vozisin vetura me targa ilegale si dhe thotë ai kjo tregon edhe se “Kurti ka pranuar gjithçka që ka refuzuar ditët e kaluara”.
“Me këtë marrëveshje, duke filluar nga ora tetë, nuk ka gjoba prej 150 eurosh nga Albin Kurti dhe nuk ka politikë ndëshkuese në të gjitha fazat e tjera që kanë qenë pjesë e vendimit të Albin Kurtit lidhur me procesin e riregjistrimit. ME këtë marrëveshje, ne e ruajtëm paqen dhe arritëm të ruajmë popullin tonë në Kosovë”, tha Petkoviq.
Mbrëmë u arrit marrëveshja për targa pas diskutimeve gjashtë-orëshe mes palës kosovare dhe asaj serbe në Bruksel.







