Marrëveshja për targa nënshkruhet para 1 shtatorit e thotë Fatmir Sheholli

Drejtori i Institutit për Afirmimin e Marrëdhënieve Ndëretnike, Fatmir Sheholli, ka thënë sot për gazetën opozitare serbe, Danas, se një marrëveshje për çështjen e targave ndërmjet Kosovës dhe Serbisë do të arrihet para 1 shtatorit.

Ai i ka thënë Danas-it se ka informacione të brendshme nga biseda Kurti-Vuçiq.

“Ne në institut kemi informacione se gjatë bisedës mes Kurtit dhe Vuçiqit janë thënë shumë gjëra thelbësore lidhur me marrëveshjen për targa dhe dokumente për kalimin e kufirit”, thotë Sheholi.

Sheholi thotë se sipas informacioneve që ka, marrëveshja për targa dhe letërnjoftime do të arrihet para 1 shtatorit, me arsyen se pas kësaj Kosova do të duhet të zbatojë vendimet e Gjykatës Kushtetuese lidhur me tokën e Manastirit të Deçanit, si dhe formimin e Asociacionit.

“Me sa duket pritet edhe formimi i Qeverisë së Serbisë që perëndimi të shohë se ku do të orientohet Serbia”, tha Sheholli. /Paparaci.com