Marok
Maroku assesi të gjej qetësi, goditet nga një tërmet tjetër
Maroku assesi të gjej qetësi pas tërmetit shkatërrues që goditi vendin të premten mbrëma, ku si pasojë humbën jetën mbi 2 mijë persona.
Para pak çastesh, observatori sizmologjik euro-mesdhetar, një organizatë joqeveritare ndërkombëtare, njoftoi se ka regjistruar një tërmet me magnitudë 4.5 në jugperëndim të Marakeshit, transmeton Telegrafi.
Në anën tjetër, tërmeti i të premtes kishte fuqi shkatërruese prej 7.2 magnitudë, duke bërë që shumë ndërtesa të shemben dhe me mijëra qytetarë të mbesin nën rrënoja.
E autoritet e ekipeve emergjente kanë bërë të ditur se numri i të vdekurve mund të jetë akoma më i madh, derisa operacioni i kërkim-shpëtimit është duke vazhduar.
Mbi 300 mijë banorë të Marokut janë prekur nga ky tërmet i fuqishëm, kurse shumë prej tyre kanë kaluar natën në ambient të hapur nga frika se mund ta pësojnë me jetë nga shembja e shtëpive.
E shumë shtete janë shprehur të gatshme në dërgimin e ekipeve të specializuara në gjetjen e të mbijetuarve potencial nën rrënoja.
