Vëllezërit Bytyqi
Maqedonci bën homazhe te varrezat e vëllezërve Bytyqi në New York
Ministri i Mbrojtjes, Ejup Maqedonci, ka bërë homazhe te varrezat ku prehen dëshmorët, Yll, Agron dhe Mehmet Bytyqi.
Maqedonci homazhet i bëri së bashku me ambasadorin, Belrim Reka, kryetarin e Shqatës “Atlantiku” dhe anëtarë të kësaj shoqate.
“Babai i tre dëshmorëve Bytyqi, Agron Bytyqi, ndjenjën e mungesës të tre djemve të tij nuk mund ta largoj asnjëherë, por është ngushëllues fakti që jeta e tyre ishte e shkurtër nga vitet por e pavdekshme nga pesha, heroizmi i tyre me lavde do të mbahet mend gjithmonë.
Pikërisht për obligimin që kemi ndaj amanetit të dëshmorëve dhe të ardhmes së brezave të rinj, pas homazheve me kryetarin Gani Shehu dhe anëtarët e Shoqatës Atlantiku, trashëgimtare e Batalionit Atalantiku të UÇK-së, zhvilluam një bashkëbisedim, gjithnjë me temë qëndore vendin tonë dhe mundësinë e kontributit të Shoqatës Atlantiku në mbështetje të institucioneve tona, sepse vetëm bashkë jemi më të fuqishëm”, ka shkruar Maqedonci në Facebook.
VIDEO BONUS: Bërlloku e mbulon Tregun e Gjelbër në Prishtinë, tregtarët ia hedhin fajin AKP-së
