Mamushë: Lirohen dy turqit e arrestuar pas mosmarrëveshjes

Dy familje të komunitetit turk janë përleshur mes vete të premten, ku dy persona u arrestuan për 48 orë nga Policia.

Të njëjtit me urdhër të Prokurorit janë lënë të lirë, rastin për Klan Kosova e konfirmoi zëdhënësi i Policisë për Rajonin e Prizrenit, Vesel Gashi, i cili po ashtu tregoi se këto dy familje kanë shpesh zënka.

“Rasti ka ndodhur të premten, ku Policia ka intervenuar dhe ka marrë masat e duhura, dy persona kanë qenë të arrestuar për 48 orë, por sot me urdhër të Prokurorit janë lënë të lirë”.

Gashi, po ashtu tregoi se personat e përfshirë kanë pasur lëndime të lehta trupore.