Lutfi Haziri i nervozuar me MASHT’in: Del kundër mbajtjes së mësimit online
Kryetari i Gjilanit, Lutfi Haziri ka thënë se Kosova nuk ka kapacitete për të mbajtur mësimin online.
Haziri ka thënë se po shqyrtohen seriozisht tri opsionet e MASHT’it, por ka shtuar se nuk është në përgjegjësinë e tyre se cili nga këto opsione do të duhej të implementohet.
“Unë mbetem i përkushtuar që arsimi duhet të normalizohet me vijueshmëri të rregullt në shkollë, por duhet të gjendet modaliteti që të parandalohet përhapja e infeksionit. Është e paqëndrueshme të pretendohet që mund të ndërtojmë arsim online në Republikën tonë, pa kurrëfar kapacitete, përvoje e mundësie teknologjike. Edhe ashtu, sistemi arsimor në Kosovë në rrafshin e vlerësimit të PISA’s, është shumë keq dhe pandemia mund ta përkeqsojë”, ka thënë Haziri.
Ndryshe, ministri i Arsimit Ramë Likaj, sot tha se mësimi do të vazhdojë në shkolla për klasët e para dhe të dyta.
