Kryetari i Lidhjes Demokratike të Kosovës (LDK), Lumir Abdixhiku, ka zhvilluar një takim me veprimtarët dhe strukturat e partisë në Malishevë, në prag të nisjes së fushatës së re politike.

Përmes një mesazhi të publikuar pas takimit, Abdixhiku tha se fryma pozitive dhe gatishmëria për angazhim që, sipas tij, po vërehet në të gjithë Kosovën, po e bëjnë gjithnjë e më të qartë ardhjen e “kohës së arsyes, zhvillimit dhe normalitetit”.

Ai theksoi se LDK-ja synon të nisë një “rrugëtim të madh përpara”, duke u mbështetur te puna e strukturave partiake dhe besimi i qytetarëve.

Takimi në Malishevë vjen në kuadër të përgatitjeve të LDK-së për aktivitetet dhe organizimet politike që pritet të intensifikohen në javët në vijim.