Lukaku humb 3 kilogramë nga dieta e Contes
Karriera e Romelu Lukakut në Inter nisi mrekullueshëm të hënën.
Ekipi i Contes fitoi 4-0 ndaj Lecces, me Lukakun duke shënuar në debutim.
Belgu dukej në formë dhe partneriteti i tij në sulm me Lautaro Martinez ishte në nivel.
Lukaku ka qenë çdoherë i admiruar nga bosi i ri i Interit, Antonio Conte.
Siç raporton Daily Mail, sulmuesi belg tashmë ka humbur 3 kilogramë falë dietës së trajnerit Conte.
Dieta përbëhet me mish pule dhe gjeldeti si dhe me larmi të gjerë perimesh mesdhetare.
Ushqimet e skuqura, mocarela dhe alkooli janë rreptësisht të ndaluara.
Lukaku u kritikua jashtëzakonisht shumë për mbipeshë dhe u kryqëzua edhe në rrjete sociale nga ish lojtari i Man Utd, Gary Neville.