Erduan Smajli
Llapi nuk ndalet, prezanton edhe një përforcim
KF Llapi dhe sulmuesi i krahut të djathtë, Erduan Smajli kanë arritur marrëveshje bashkëpunimi.
20-vjeçari vjen nga Superiorja e Shqipërisë, ku u paraqit për skuadrën e Kukësit, teksa është rritur dhe formuar tek ekipi zviceran, Young Boys, shkruan Ballkani.info.
Ai është prezantuar nga Drejtori Sportiv i Llapit, Mentor Zhdrella, i cili i ka dëshiruar mirëseardhje dhe suksese në vazhdim me klubin.
“Është kënaqësi për mua t’i bashkohem një klubi shumë të organizuar dhe me futbollistë shumë cilësor. Mikëpritja ka qenë shumë e mirë si nga trajnerët ashtu edhe nga bashkëlojtarët. Po më pëlqen ambienti dhe puna që po bëhet dhe na mbetet që të punojmë dhe t’i arrijmë objektivat e klubit”, është prononcuar për faqen zyrtare të klubit, sulmuesi Smajli me rastin e prezantimit të tij. /Ballkani.info
