Liz Truss ose Rishi Sunak – sot dihet emri i kryeministrit të ardhshëm të Mbretërisë së Bashkuar
Liz Truss ose Rishi Sunak do të kurorëzohen si lideri i ardhshëm i Partisë Konservatore dhe kryeministër i Mbretërisë së Bashkuar më vonë sot, pas një gare “rraskapitëse verore”.
Sipas mediave britanike, përcjell Telegrafi, ata kanë kaluar gjashtë javët e fundit duke luftuar për të bindur anëtarët konservatorë se kanë atë që duhet për të drejtuar partinë – dhe vendin – pasi Boris Johnson dha dorëheqjen.
Por kombi tani është disa orë larg nga zbulimi se cili nga dyshja kanë fituar çelësat e Numrit 10.
Kështu, në orët e mesditës, kryetari i komitetit të deputetëve të 1922, Sir Graham Brady – do të shpallë rezultatin.
Si rezultat, Johnson do të kthehet më vonë këtë javë në stolat e pasme të konservatorëve, ndërsa fituesi i garës për lidership do të shikojë përpara për të emëruar ekipin e tyre kryesor pasi të vizitojë Mbretëreshën në Balmoral.
