Liverpooli ka arritur të fitojë lehtësisht në udhëtim te Bournemouthi teksa ka triumfuar me rezultat të thellë 0-4, me Mohamed Salah që realizoi tre gola.
Ishte pikërisht ylli egjiptian që zhbllokoi takimin me golin e realizuar në minutën e 25-të, derisa dërgoi në rrjetë topin e mbetur në zonën e rrezikshme pas gjuatjes së Firminos.
Me këtë rezultat u mbyll pjesa e parë, ndërsa në fillim të së dytës ishte sërish Salah protagonist i cili nuk gaboi përballë portierit boshnjak, Asmir Begovic.
Fitorja e “The Reds” u sigurua pas autogolit të Cook në minutën e 68-të, ndërsa deri në fund pati kohë edhe për golin e tretë të Mohamed Salah, me ish sulmuesin e Romës që barazoi sulmuesin e Arsenalit, Aubameyang në listën e golashënuesve më të mirë në Premier League me nga 10 gola.
Liverpooli përkohësisht është lider i Premier Leagues me 42 pikë, një më shumë se Manchester City që të shtunën pasdite ka një ballafaqim të vështirë në udhëtim te Chelsea.
https://www.youtube.com/watch?v=eB2RdOgPnX8







