Asociacioni

Lista Serbe kërkon themelimin e Asociacionit sipas marrëveshjeve të 2013 e 2015

Zlatan Elek, kryetar i Listës Serbe, ka mbajtur një takim me përfaqësuesit e Grupit Punues të Këshillit të BE-së për Ballkanin Perëndimor (COWEEB).

Në këtë takim, Elek ka ripërsëritur kërkesën e njohur tashmë që Kosova duhet të themelojë Asociacionin e komunave me shumicë serbe.

Sipas Elekut, ky Asociacion duhet të bëhet bazuar në marrëveshjet e viteve 2013 dhe 2015.

“Si zgjidhje është nevoja që Prishtina t’i zbatojë marrëveshjet e nënshkruara sa më shpejt dhe në përputhje me marrëveshjet e vitit 2013 dhe 2015 të formohet Asociacioni i Komunave Serbe, i cili do të zgjidhte një pjesë të problemit në terren”, ka deklaruar ekipi i Listës Serbe, transmeton Kossev.