LDK i del në mbrojtje Haki Rugovës, mban sot konferencë
Lidhja Demokratike e Kosovës sot do të mbajë konferencë për media, lidhur me rastin e arrestimit të kryetarit të Komunës së Istogut, Haki Rugova, raporton Ballkani.info.
Këtë e ka konfirmuar kryetari i LDK’së, Isa Mustafa, për T7.
Megjithatë, ende nuk dihet në çfarë kohe do të mbahet konferenca.
Ndërkohë, në Gjykatën Themelore të Pejës është duke u mbajtur seanca dëgjimore për rastin e kryetarit Rugova, ish-nënkryetarit Lulzim Blakaj dhe zyrtarit të komunës, Faton Blakaj.
Keqpërdorim i detyrës zyrtare, konflikt interesi dhe falsifikimi i dokumenteve janë veprat penale për të cilat Prokuroria kishte urdhëruar arrestimin dhe marrjen në pyetje të zyrtarëve komunalë të Istogut.
