Lajmi i fundit: Shtyhet seanca për miratimin e Projektligjit për buxhetin, në këtë orë do të mbahet
Kuvendi i Kosovës sot do të shqyrtojë në lexim të dytë Projektligjin mbi ndarjet buxhetore për Buxhetin e Kosovës për vitin 2021.
Seanca ishte paraparë të fillojë në ora 14:00, por kryeparlamentarja Vjosa Osmani ka njoftuar se seanca është shtyrë për në orën 17:00.
Kjo për shkak që raporti lidhur me rekomandimet e amandamenteve nuk është gati.
Projektligji për Buxhetin kaloi dje në lexim të parë në Kuvendin e Kosovës me 64 vota pro.
