LAJMI I FUNDIT: Policia jep detaje për objektin e shembur në Fushë Kosovë
Një objekt është shembur në Fushë-Kosovë, ndërsa në vendin e ngjarjes kanë dalë menjëherë ekipet e emergjencës.
Ngjarjet e rënda po vazhdojnë këtë të hënë në Kosovë.
Pas dhjetëra rasteve të raportuara, mes tyre edhe tragjedi me vrasje të trefishtë si dhe shembja e objektit në Mitrovicë, një tjetër rast ka ndodhur në Fushë-Kosovë.
Një objekt raportohet se është shembur atje.
Në vendgjarje kanë dalë policia, ambulanca e zjarrfikësit.
Policia ka konfirmuar se ngjarja ka ndodhur në rrugën “Elez Berisha”, në Zonën Industriale në Fushë-Kosovë.
Sipas Policisë, “është shembur një pllakë nga një ndërtesë, e cila është në ndërtim e sipër”.
Policia ka bërë të ditur se “përveç dëmeve materiale, nuk raportohet për persona të lënduar”.