Lajm i mirë, javën tjetër pritet ardhja e dozave të tjera të vaksinave “AstraZeneca”
Pas furnizimit me 4,680 vaksina Pfizer/BioNtech Kosova pritet që gjatë javës së ardhshme të furnizohet edhe me vaksinat “AstraZeneca”.
Kështu ka thënë për IndeksOnline zëdhënësi i Ministrisë së Shëndetësisë, Faik Hoti.
“Ministria e Shëndetësisë pret që gjatë javës së ardhshme të vijnë vaksinat “AstraZeneca”.
Ai shtoi se dozat tjera të vaksinave do të shpërndahen nëpër QKMF, sikurse herën e kaluar.
Ndryshe, me vaksinat Pfizer ka filluar vaksinimi i personelit shëndetësor në mëngjesin e së mërkurës, ku u pa një interesim i madh i mantilbardhëve për t’u vaksinuar kundër Covid19.
