Emisari evropian për dialogun Kosovë-Serbi, Miroslav Lajçak, tha se në margjinat e Asamblesë së Përgjithshme të OKB-së në New York, ai foli me Jens Plotner, këshilltarin për politikë të jashtme dhe siguri të kancelarit gjerman, për situatën në Ballkanin Perëndimor.

Lajcak ka shkruar në platformën X se me zyrtarin gjerman ka folur edhe për zhbllokimin e zbatimit të Marrëveshjes së Ohrit.

“Në margjinat e Asamblesë së Përgjithshme të OKB-së , me Jens Pletner, këshilltar për politikën e jashtme dhe sigurinë të kancelarit gjerman, diskutuam situatën në Ballkanin Perëndimor dhe mënyrën se si të zhbllokojmë zbatimin e Marrëveshjes së Ohrit. Jam mirënjohës për angazhimin e fortë të Gjermanisë për procesin e normalizimit”, ka thënë Lajçak në rrjetin social X.

In the margins of #UNGA, Jens Plötner, Foreign Policy and Security Advisor to 🇩🇪 Chancellor and I spoke about the situation in the Western Balkans and how to unblock the implementation of the Ohrid Agreement. Grateful for strong 🇩🇪 commitment to the normalisation process. pic.twitter.com/hKxdfmgzZK

— Miroslav Lajčák (@MiroslavLajcak) September 24, 2024