Lajçak pas takimeve me krerët e opozitës: E mirëpres mbështetjen e tyre të fortë për dialogun
Përfaqësuesi Special i Bashkimit Evropian për dialogun Kosovë-Serbi, Miroslav Lajçak, gjatë ditës së dytë të vizitës së tij në Kosovë është takuar me krerët e partive opozitare.
Përmes një postimi në Twitter, Lajçak ka bërë të ditur se në takimet e tij me krerët e opozitës është informuar për gjendjen e dialogut dhe opinionet e vlerësimet e tyre.
Ai ka thënë se e mirëpret mbështetjen e opozitës për dialogun mes Kosovës dhe Serbisë.
“Në ditën e dytë në Kosovë u takova me lidershipin e partive kryesore opozitare shqiptare të Kosovës për tu informuar mbi gjendjen e dialogut dhe për të dëgjuar opinionet dhe vlerësimet e tyre. E mirëpres mbështetjen e tyre të fortë për Dialogun”, shkroi Lajçak.
On day 2️⃣ in Kosovo, I met with the leadership of the main Kosovo Albanian opposition parties to brief on the state-of-play of the Dialogue and hear their opinions and assessments. I welcome their strong support for the Dialogue. pic.twitter.com/BZBi5cT80k
— Miroslav Lajčák (@MiroslavLajcak) June 28, 2022