Labi grumbullon 70 mijë euro për dy të lënduarit e Ferizajt

Vetëm gjatë ditës së sotme, Labinot Tahiri, ish-deputet i Kuvendit të Kosovës, grumbulloi 70 mijë euro bashkë me qytetarët në Ferizaj.

Shpërthimi i bombolës së gazit në Ferizaj ka shkaktuar lëndimin e mbi 40 personave.

Disa prej të lënduarve kanë pësuar djegie më të rëndë dhe janë në gjendje jo të mirë shëndetësore, andaj ishte i nevojshëm dërgimi i tyre në Turqi për shërim.

Katër persona arritën sot (e enjte) në Turqi, kurse edhe dy të tjerë janë në gjendje të rëndë dhe pritet që së shpejti edhe atyre t’iu mundësohet kjo gjë.

Këngëtari Labinot Tahiri ka marrë iniciativë për grumbullimin e parave për Enver Xhoklin dhe Fidan Gashin.

Ai gjatë ditës së sotme ka qëndruar në tendë në qytetin e Ferizajt dhe tani përmes një videoje ka dhënë lajmin e mirë.