Kylie e ka nijet t’i bëjë edhe disa fëmijë — veç s’e di kur dhe me kë
Miliarderja më e re, Kylie Jenner, i dha fund marrëdhënies me Travis Scott disa muaj më parë. Burimet pranë tyre janë shprehur se shkak është bërë mospërputhja në disa çështje.
22-vjeçarja duket se dëshironte që të zgjeronte familjen, ndërsa Travis është i fokusuar në maksimum te karriera e tij.
Madje planet për familjen e saj dhe dëshirën që të ketë shumë fëmijë, i ka zbuluar së fundmi vetë miliarderja.
Ajo ka thënë se e ka nijet t’i bëjë edhe disa fëmijë — veç s’e di kur dhe me kë.
Në një video të publikuar në kanalin e “Youtube”, Kylie shfaqet teksa i bën grimin Kimit, duke përdorur produktet “KKW BEAUTY” dhe “Kylie Cosmetics”, duke përfshirë edhe linjën e re të buzëkuqeve “Girls Trip”, që hidhet në treg ditën e mërkurë.
Një fans ka pyetur: “Si arrin Kimi të jetë nënë e 4 fëmijëve dhe të jetë kaq e angazhuar në punë dhe Kylie, a e shihni veten me 4 fëmijë?”.
22-vjeçarja ka reaguar duke thënë se e sheh veten nënë të katër fëmijëve. Ajo shtoi se për këtë gjë nuk ka një afat kohor, megjithatë për 7 vitet e ardhshme mund të ketë zgjeruar mjaftueshëm familjen.
