Ky është vendimi me të cilin Konjufca shkarkon Teuta Sahatqijën dhe djalin e Vlora Dumoshit (DOKUMENT)

Ministri i Punëve të Jashtme Glauk Konjufca ka vazhduar hakmarrjen ndaj Lidhjes Demokratike të Kosovës, e cila doli nga koalicioni me VV-në dhe rrëzoi qeverinë përmes mocionit të mosbesimit, duke ia shkarkuar diplomatët dhe duke i kthyer në Kosovë.

Viktimat e radhës të hakmarrjes së VV-së që i ka ekzekutiar Glauk Konjufca, janë Teuta Sahatqija, e cila deri tash ka shërbyer në Konsullatën e Përgjithshme të Kosovës në New York, si dhe Rron Kryeziu, djali i Vlora Dumoshit, i cili deri më tani ka qenë pjesë e Ambasadës së Kosovës në Washington, DC. Konjufca fillimisht kishte filluar me shkarkimin e personave të afërt me PAN-in, ndërsa në momentin që LDK-ja rrëzoi Qeverinë Kurti, ai nisi edhe me shkarkimin e njerëzve të LDK-së.

Vendimet për kthimin e Sahatqisë dhe Kryeziut i janë dërguar zyrës së presidentit për miratim.