Kush e dërgoi presidentin Thaçi në Bjellorusi, shtetin kundërshtar të Kosovës?

Një nga ish-republikat sovjetike e cila ka kundërshtuar ashpër bombardimet ndaj Jugosllavisë dhe pavarësinë e Kosovës Bjellorusia ka lejuar pjesëmarrjen e Presidentit të Kosovës Hashim Thaçi të shkojë në Minsk për të marrë pjesë në takimin e Grupit Kryesor të Konferencës së Sigurisë të Munihut, një ngjarje e nivelit që mbledh protagonistë kryesorë rajonalë, krerë shtetesh dhe të organizatave ndërkombëtare, ministra, deputetë, drejtues të OJQ-ve dhe gazetarë, për të diskutuar për çështje rajonale dhe globale të sigurisë.

Në fakt, Thaçi atje është ftuar nga diplomati gjerman që është shef i Konferencës së Sigurisë së Munihut, Wolfgang Ischinger.

Për udhëtimin e tij Thaçi ka njoftuar në Facebook.

“Rrugës për në Bjellorusi, për të marrë pjesë në Konferencën e Sigurisë në Minsk. Në këtë ngjarje që mbledh protagonistë kryesorë rajonalë, krerë shtetesh dhe të organizatave ndërkombëtare, do të diskutojmë për çështje rajonale dhe globale të sigurisë. HTH” ka shkruar ai.

Atje, përveç Thaçit do të jenë edhe zyrtarë tjerë shtetesh që nuk e kanë njohur Kosovën, përfshirë edhe shefen e qeverisë së Serbisë Ana Bërnabiq me të cilën Presidenti do të flasë në një panel.

“Të mërkurën, presidenti Thaçi pritet të mbajë një fjalë rasti në një panel me Kryeministren e Serbisë, Ana Brnabiq, me moderator ish-ambasadorin Ischinger, ndërkaq panelin do ta hapë Ministri i Punëve të Jashtme të Bjellorusisë, Vladimir Makei”, thuhet në njoftim.

Bellorusia ka mbajtur qëndrim të fortë kundër pavarësisë. Një ambasador i saj në Serbi kishte thënë se Minsk’u nuk do ta njohë kurrë pavarësinë e Kosovës.

Ndërsa, në shkurt të këtij viti, Presidenti i bjellorus Oleksander Lukashenko i i cili me dekada udhëheq më dorë të fortë me këtë shtet kishte zbutur qëndrimin duke thënë se gjithçka është vonë rreth Kosovës.

Ai kishte thënë se “ka qenë e nevojshme që të mos lejohet ndarja e Ballkanit dhe dhe ka qenë e nevojshme që të mbrohet Jugosllavia” dhe se “është shumë të këndohen knëgë”.

Procesi ka filluar një kogë të gjatë dhe ende është duke vazhduar. Mali i Zi ka shkuar, republikat tjera po ashtu. Kosova ka mbetur. Kjo është një vazhdimësi e shpërbërjes. Ne ekemi humbur ndikimin moti. Kjo s’është dashur të lejohet pra cështjet rreth pavarësisë. A mund ta influencojmë ne këtë proces? Jo, nuk mundemi, ta themi këtë sinqerisht” ka thënë Lukashenko.