Kurti vazhdon t’i çoj mesazhe LDK-së: Në koalicion të përbashkët do t’i merrnim 70 deputetë
Kryetari i Lëvizjes Vetëvendosje, Albin Kurti, përmes një paraqitje drejtpërdrejt në rrjetin social Facebook, ka thënë se një koalicion VV-LDK do t’i merrte 70 deputetë.
“Nëse bëjmë një koalicion parazgjedhor, atëhere dihet fituesi, koalicioni LDK-VV, ne do t’i kemi 70 deputetë”, ka thënë Kurti.
Ai ka thënë se që një vit kemi mardhënje të mira dhe kontakte të vazhdueshme me kreun e LDK-së.
“Ne jemi optimistë dhe kemi qellim të mirë dhe ka një vit që kemi komunikim të rregullt e njëkohësisht edhe mardhënje të mira me kreun e LDk’së”, ka thënë Kurti.
Megjithatë Kurti është i bindur se Vetëvendosje nuk të merr më shumë se 61 deputetë, e një koalicion paszgjedhor është i domosdoshëm.
“Nëse shkojmë ndaras, ne si Vetëvendosje edhe po dolëm të parët nuk i marrim 61 deputetë, ndërkaq së bashku me LDK’në i mbërrijmë 70 deputetë. E pas zgjedhjeve na duhet të kërkojmë partner që nuk do të jetë kollaj por jo e pamundur”, është shprehur Kurti.
