Kurti keqpërdor Qeverinë për të lejuar protestën e nesërme, ky është vendimi i orës 23:00

Kryeministri në detyrë, Albin Kurti, ka shfrytëzuar sonte pushtetin e tij për të legjitimuar protestën që nesër nga ora 17 e ka ftuar partia e tij Vetëvendosje.

Kurti ka mbajtur një mbledhje elektronike në orët e mbrëmjes për ta ndrysbuar vendimin e Ministrisë së Shëndetësisë që ndalonte tubimet publike në kohë pandemie.

Qeveria Kurti me vendim të orës 23:00 ndryshoi vendimin dhe sipas komunikatës që e ka lëshuar për media, e ka justifikuar lejimin e tubimeve publike me vendimin për hapjen e xhamive dhe kishave.

Komunikata e mbledhjes së Qeverisë Kurti e lëshuar sonte 23:30:

Prishtinë, 27 maj 2020 Kryeministri në detyrë i Qeverisë së Republikës së Kosovës, Albin Kurti, në pajtim me Rregulloren e Punës së Qeverisë ka thirr mbledhjen korresponduese (mbledhje elektronike), mbledhja e 36-të e Qeverisë, në të cilën është miratuar vendimi i propozuar nga Ministria e Shëndetësisë për rihapjen e faltoreve dhe një vendim për shpronësime shtesë të pronave që preken nga ndërtimi i pikë-kalimit kufitar mes Republikës së Kosovës dhe Republikës së Maqedonisë së Veriut, në Stançiq të Komunës së Gjilanit. Qeveria e Kosovës me kërkesën e Ministrisë së Shëndetësisë ka bërë plotësimin dhe ndryshimin e vendimit të Qeverisë sipas të cilit ishin ndaluar tubimet në të gjitha hapësirat publike dhe private. Me plotësimet dhe ndryshimet e miratuara bëhet rihapja e xhamive dhe kishave për numër të reduktuar të besimtarëve në raport me sipërfaqet e këtyre faltoreve. Faltoret në këtë rast obligohen që t’ju përmbahen rekomandimeve të IKSHP-së dhe OBSh-së për ruajtje të distancës, përdorimin e maskave dhe të higjienës personale. Gjithashtu, në këtë mbledhje, Qeveria ka miratuar vendimin përfundimtar për shpronësimin shtesë për interes publik të pronave të paluajtshme të cilat preken nga ndërtimi i objektit të pikë-kalimit kufitar mes Republikës së Kosovës dhe Maqedonisë së Veriut, në Stançiq të Komunës së Gjilanit.