Kurti e shfajësoi Vuçiqin për krimet serbe, ambasadori William Walker e thoshte të kundërtën
Kryeministri Albin Kurti javën e kaluar në një intervistë në Këshillin Atlantik, indirekt tha se presidenti serb Aleksandar Vuçiq nuk ka përgjegjësi për krimet e Serbisë gjatë luftës në Kosovë.
Kurti në njëfarë mënyre e zhveshi nga përgjegjësia presidentin serb.
“E dimë shumë mirë që presidenti i Serbisë ishte Ministër i Informacionit në kohën e Millosheviqit. Por, mund ta marrë me mend se Millosheviqi kurrë s’e ka pyetur Vuçiqin. Prandaj, s’duhet të jetë e vështirë për Vuçiqin që ta distancojë veten nga Millosheviqi, i cili kurrë s’e pyeste”, ka thënë kryeministri Kurti.
Por, një vit më parë, ish-ambasadori i OSBE-së në Kosovë dhe njeriu që e alarmoi botën për krimet serbe që ndodhën në Kosovë, ambasadori William Walker thoshte se Vuçiq ishte pjesë e vendimmarrjes në atë kohë.
“Disa nga njerëzit që sot janë duke e propaganduar [masakrën e Reçakut] si ‘një gënjeshtër të madhe’, kanë qenë në fakt të përfshirë në fshehjen e saj që nga fillimi. Mendoj se presidenti [i Serbisë, Aleksandar] Vuçiq, është shembull shumë i mirë. Ai ka qenë ministër i Informimit në kohën e Sllobodan Millosheviqit. Ai ka qenë pjesëmarrës në vendimmarrjen e asaj kohe”, kishte ambasadori Walker për dallim nga Kurti.
🔴#Kosovo PM @albinkurti says that #Serbia's President #aleksandarvucic @avucic as #Milosevic 's minister was never consulted by his former boss and it shouldn't be difficult to distance himself from from him #warcrimes #slobodanmilosevic #Bosnia pic.twitter.com/0F8QebPFaw
— DTT-NET English (@dtt_net_english) May 19, 2022