Lëvizja Vetëvendosje njofton se sot u zyrtarizua kandidatura e Ali Dulës për kryetar të Rahovecit nga kjo parti.

Sipas kësaj partie, “me qeverisjen e Lëvizjes VETËVENDOSJE! në nivel qendror, dhe me Ali Dulën në krye të komunës, Rahoveci do të ketë një bashkëpunim efektiv, që sjell investime, progres dhe zhvillim”.

Megjithatë, Vetëvendosja nuk është partia e parë për Dulën. Fillimisht, ai ishte pjesë e Aleancës për Ardhmërinë e Kosovës, pastaj pjesë e Partisë Demokratike të Kosovës.