Kur këshilltari i Albin Kurtit sulmonte institucionet FOTO
Arianit Beqiri, i cili njihej si aktivist i dhunshëm i Lëvizjes Vetëvendosjes, tani është shpërblyer me postin e këshilltarit në kabinetin e kryeministrit Albin Kurti.
Aktivisti i Vetëvendosjes, Arianit Beqiri, i cili njihet për veprimet e tij të dhunshme dhe të kundërligjshme ndaj institucioneve të Kosovës por edhe në Shqipëri sa ishte aktivist i Vetëvendosjes, është shpërblyer me postin e këshilltarit të kryeministrit Kurti.
Arianit Beqeiri duke sulmuar me ngjyrë Qeverinë e Kosovës.
Arianit Beqiri, është një nga huliganët që dikur sulmonte me molotov kryeministrin, ndërsa ai sot shërben si këshilltar i kryeministrit Kurti.
Po ashtu, Beqiri, është shquar edhe për ofendime dhe linçim të vazhdueshëm në rrjete sociale. Madje së fundi ka hapur llogari të reja në rrjete sociale, për t’i zhdukur gjurmët e aktivitetit të tij virtual.
Siç mund ta vëreni në foto, Arianit Beqiri është prezantuar si këshilltar i Kurtit, gjatë një takim që ky i fundit kishte zhvilluar në Shqipëri, shkruan Gazeta Metro.
Vlen të theksohet që gjatë kohës sa ishte aktivist i VV’së, Arianit Beqiri, ishte arrestuar nga Policia e Kosovës për shkak të aktiviteteve të kundërligjshme.
Beqiri, kishte bërë bujë edhe në mediat në Shqipëri. Sipas, Policisë së Tiranës ai dyshohet se në protestën të Parku i Liqenit artificial në Tiranë kishte goditur me grusht një polic bashkiak duke e lënë pa ndenja.
Beqiri para se të ishte pjesë e VV’së i kishte shërbyer partisë së Behgjet Pacollit, ku babai i tij, Ramadan Beqiri ishte kandidat për kryetar të Prishtinës nga partia e Pacollit.
