“Kthehuni n’punë”, prindërit kundër protestës së mësimdhënësve (FOTO)
Sot rreth orës 13 e 30, nga sheshi “Zahir Pajaziti” deri te ndërtesa e Qeverisë së Kosovës, është paraparë një protestë nga Bashkimi i Sindikatave të Pavarura të Kosovës (BSPK), me kërkesë miratimin e Ligjit për Paga.
Por kundër kësaj proteste kanë dalë prindërit. Njëri prej tyre, Fisnik Latifi, ka shkruar me shkumës në rrugën që çon deri në shesh: “Kthehuni n’punë. Turp”.
Kujtojmë se edhe Sindikata e Bashkuar e Arsimit (SBASHK) do të jetë pjesë e protestës dhe se mësimi në të gjithë vendin nga arsimi fillor deri në universitete nuk do të mbahet.
Fotografitë për Klankosova.tv i ka siguruar kameramani Arben Restelica
