Kryeministri Hoti takoi përfaqësuesit e ARKEP-it
Kryeministri Avdullah Hoti sot është takuar me përfaqësuesit e Autoritetit Rregullativ të Komunikimeve Elektronike dhe Postare (ARKEP), më të cilët biseduan për zhvillimet e përgjithshme në sektorin e telekomunikimit në vend.
“Qeveria e Kosovës e trajton me prioritet, si një interes strategjik për vendin, zhvillimin dhe avancimin e sektorit të telekomunikimit, në pajtim me ecurinë e zhvillimit global dinamik të këtij sektori”, shkruan Hoti.
Postimi i plotë i Hotit:
Bashkë me zëvendëskryeministrin Driton Selmanaj dhe me ministrin e Infrastrukturës, Arban Abrashi, takuam përfaqësuesit e Autoritetit Rregullativ të Komunikimeve Elektronike dhe Postare (ARKEP), me të cilët biseduam për zhvillimet e përgjithshme në sektorin e telekomunikimit në vend.
Qeveria e Kosovës e trajton me prioritet, si një interes strategjik për vendin, zhvillimin dhe avancimin e sektorit të telekomunikimit, në pajtim me ecurinë e zhvillimit global dinamik të këtij sektori.