Kryediplomati austriak tregon çfarë po zihet në BE për liberalizimin e vizave për Kosovën

Ministri i Jashtëm i Austrisë, Alexander Schallenberg, ka thënë se integrimi europian në rrethanat aktuale është ndoshta më i rëndësishmi që nga përfundimi i Luftës së Dytë Botërore. Në këtë drejtim, ai ka thënë se BE duhet të jetë më e vëmendshme ndaj Ballkanit Perëndimor.

“Ne duhet të punojmë së bashku dhe shpresoj se deri në qershor do të hapim negociatat e anëtarësimit me Shqipërinë, Maqedoninë e Veriut dhe do të miratojmë liberalizimin e vizave me Kosovën, si dhe që Bosnje e Hercegovinës t’i jepet sa më shpejt statusi i kandidatit” ka thënë Schallenberg gjatë një debati me Kryeministren e Serbisë në Firencë të Italisë të cilën e ka moderuar Miroslav Lajcak emisari i BE’së për dialogun Kosovë -Serbi

Në një postim në Twitter, ai ka thënë se BE-ja ka humbur shumë kohë në Ballkanin Perëndimor, ndërsa për këtë të fundit tha se humbi durimin.

“Tani kemi një pikëpamje gjeostrategjike të gjërave. Kemi marrë vendime që kanë qenë të pamendueshme në BE deri më tani”, ka thënë Schallenberg në një panel ku u diskutua për perspektivën evropiane të Ballkanit Perëndimor në Firencë të Italisë.