Krim në familje: Babai vret vajzën me 20 plumba

Një baba në Turqi ka vrarë vajzën e tij dhe i ka përplasur asaj makinën pasi ajo refuzoi të tregojë se ku ndodhej nëna e saj.

Mustafa Ali Yilmaz, 69-vjeç, përplasi veturën e të bijës në Balikesir të Turqisë, që e nxori nga vetura duke i kërkuar që ta di se ku gjendej ish-gruaja e tij.

28-vjeçarja Gulnur Yilmas kishte refuzuar t’i përgjigjet babait, i cili e qëlloi atë me armë 20 herë, ku 11 prej plumbave e prekën në kokë.

Menjëherë ai ishte larguar nga vendi i ngjarjes, por arratisja e tij nuk kishte zgjatur shumë pasi ekipet e policisë e kishin vënë në pranga 69-vjeçarin.

Ai tani do të përballet me akuzën për vrasje ku dhe pritet të merret masa burgim të përjetshëm.

Është bërë e ditur se e ëma e viktimës, Gulden Yilmas ishte shkurorëzuar nga Yilmas në janar të vitit të kaluar. Gjatë seancës dëgjimore në Balikesir, Yilmaz ka deklaruar se mendërisht nuk është stabil.