PDK

Krasniqi: Për punëtorët tanë, kërkojmë siguri e barazi, jo valixhe për në Evropë

Kryetari i Partisë Demokratike të Kosovës, Memli Krasniqi në Ditën e Punëtorëve, ka thënë se për punëtorët kërkojnë të drejtën e tyre dhe respekt e jo denigrim nga Qeveria.

Duke publikuar pamje nga një aksion i Rinisë Demokratike të Kosovës, ai ka thënë se kërkojnë siguri e barazi, e jo valixhe për në Evropë.

“Punëtorëve të zellshëm të vendit tonë, atyre që përkundër sfidave dhe vështirësive vazhdojnë të mbajnë gjallë pulsin e zhvillimit të Republikës, urime 1 Majin.” – ka thënë tutje ai.

Postimi i plotë:

Për punëtorët tanë, të drejtat e tyre dhe Kosovën tonë – nga Qeveria kërkojmë respekt dhe jo denigrim.

Kërkojmë siguri, barazi, mundësi dhe dinjitet në shtëpi – jo më valigje për Evropë.

Punëtorëve të zellshëm të vendit tonë, atyre që përkundër sfidave dhe vështirësive vazhdojnë të mbajnë gjallë pulsin e zhvillimit të Republikës, urime 1 Majin.

Mirënjohës secilit prej jush.