Krasniqi- Kurtit: Ndërroi idetë e majta me të djathtat, mbrojtjen e UÇK-së me vlerat pro-jugosllave
Anëtari i PSD-së, Frashër Krasniqi ka vazhduar me kritika ndaj liderit të VV-së, Albin Kurti, shkruan Ballkani.info.
Krasniqi përmes një shkrimi në Facebook, ka shkruar mund të jesh jesh i djathtë e pro-jugosllav, islamist radikal e erdoganist, leninist e kosovocentrist, i akuzuar për korrupsion e për keqpërdorime. Të gjitha të falen në momentin kur i puthë dorën liderit suprem.
Anëtari i PSD-së thotë se Kurti i “ndërroi idetë e majta me të të djathtat. Bashkimin Kombëtar e ndërroi me kosovocentrizëm. Mbrojtjen e UÇK-së e ndërroi me vlerat pro-jugosllave dhe me luftën kundër UÇK-së”
Sipas Krasniqit, lideri supreme dhe partia e tij i riciklon njerëzit dhe ka ricikluar edhe idetë.
Postimi i plotë:
Mund të jesh i djathtë e pro-jugosllav, islamist radikal e erdoganist, leninist e kosovocentrist, i akuzuar për korrupsion e për keqpërdorime. Të gjitha të falen në momentin kur i puthë dorën liderit suprem.
Kjo ngase vetë lideri suprem dhe partia e tij, ashtu siç po i riciklon njerëzit, ka ricikluar edhe idetë. Idetë e majta i ndërroi me të djathtat. Bashkimin Kombëtar e ndërroi me kosovocentrizëm. Mbrojtjen e UÇK-së e ndërroi me vlerat pro-jugosllave dhe me luftën kundër UÇK-së.
Prandaj, në partinë e tij, që shërben si kosh plehërash, ai mban titullin Recycle Bin.
