Kosova ndër vendet e para të Evropës që do të pranoj vaksina anti-COVID nga SHBA-të
Republika e Kosovës është ndër tri vendet e para në Evropë që do të ndihmohet me doza të vaksinës anti-COVID nga Shtetet e Bashkuara të Amerikës.
Kështu është bërë e ditur përmes një komunikate për medie nga Ambasada e SHBA-ve në Gjeorgji.
“Gjeorgjia, Ukraina dhe Kosova janë tre vendet e para evropiane që marrin vaksina nga Shtetet e Bashkuara, bazuar në përparësitë dhe partneritetin rajonal”, thuhet në këtë komunikatë.
Sipas të njëjtës komunikatë, thuhet se “Shtetet e Bashkuara janë gjithashtu të përkushtuara për të mbështetur rimëkëmbjen ekonomike nga pandemia”.
“Sot, Ndihmës Sekretari i Përkohshëm për Çështjet Evropiane dhe Euroaziatike Phil Reeker u takua me organizatat pjesëmarrëse në Grupin Konsultativ “Think Tank”, të mbështetur nga USAID / Georgia. Ata diskutuan se si Shtetet e Bashkuara mund të vazhdojnë të mbështesin një rimëkëmbje të fuqishme ekonomike që përfiton nga punëtorët, familjet e tyre dhe komunitetet e tyre”, thuhet në të njëjtën komunikatë për medie.
Georgia, Ukraine, and Kosovo are the first three European countries to receive vaccines from the United States, based on regional priorities and partnerships. https://t.co/vDdPxc8Liq
— U.S. Embassy Tbilisi (@usingeo) June 7, 2021