Instituti Malazez i Shëndetit Publik njoftoi se në 12 orët e fundit, 23 raste të reja të infeksionit me coronavirus janë konfirmuar në vend, duke rritur numrin e të infektuarve në Mal të Zi në 197.

Që nga 17 marsi, kur janë regjistruar rastet e para të koronavirusit në atë shtet, dy persona të infektuar kanë vdekur dhe një është shëruar.

“Shumica e rasteve të të infektuarve rishtazi janë kontakte të rasteve të njohura më parë”, njoftoi Instituti i Shëndetit Publik të Malit të Zi.

Kush viziton një mik arrestohet 

Policia malazeze ndjek penalisht personat që shkelin masat e qeverisë për të frenuar epideminë e coronavirusit dhe publikojnë arrestimet e tyre në media.

Të premten në mbrëmje, dy persona u arrestuan dhe u morën në arrest, sepse kishin vizituar shokët e tyre, siç  shpjegohet nga zëdhënësi i Prokurorisë së Podgoricës, Milica Mandiq.

“Prokurori i Shtetit urdhëroi që dy persona të vendosen në paraburgimi prej 72 orësh”, tha Mandiq.

Kishte edhe gjashtë të burgosur të Budva të arrestuar nga policia në një hotel në qytet duke luajtur letra.

Sipas statistikave të fundit në rajonin tonë, Kosova del të jetë kampione sa i përket frenimit të koronavirusit, shkruan Ballkani.info.

Ballkani.info sjellë statistikat në shtetet e rajonit:

Kosova: 135 raste, 16 të shëruar, 1 i vdekur

Shqipëria: 333 raste, 99 të shëruar, 18 të vdekur

Maqedonia Veriore: 483 raste, 20 të shëruar, 17 të vdekur

Mali i Zi: 197 raste, 1 i shëruar, 2 të vdekur

Serbia: 1476 raste, 0 të shëruar, 44 të vdekur

/Ballkani.info/