Kosnett: Serbët të jetojnë në Kosovë e ta ndërtojnë të ardhmën e vendit

Ambasadori amerikan, Philip Kosnett, ka theksuar se serbët duhet të vazhdojnë të qëndrojnë në Kosovvë dhe bashkë më komunitetet e tjera të punojnë në paqe.

Ai ka qëndruar sot në dy komunat me shumicë serbe në Kosovë, Partesh dhe Gracanicë. sipas tij, është e rëndësishme që serbët të jetojnë në shtëpitë e tyre dhe të kontribuojnë në të ardhmen e Kosovës.

“Dua të jem optimist për të ardhmen e komunitetit serb në Kosovë. Mendoj se është e rëndësishme që serbët vazhdojnë të jetojnë këtu. Është poashtu e rëndësishme që ata ndihen të mirëpritur. Këtu duhet të ketë një të ardhme në Kosovë ku të gjithë komunitetet duhet të ndjehen në shtëpinë e tyre, që të ndihen të lirë të punojnënë paqe, në të dy shtetet, në të gjitha shtetet e rajonit”, ka thënë Kosnett në një medium serb në Kosovë.

Ai ka thënë se serbët duhet ta ndërtojnë të ardhmen në Kosovë dhe kështu e ndërtojnë edhe të ardhmen e vendit,

“Unë mendoj që vetëm duke jetuar dhe ndërtuar të ardhmen për fëmijët e tyre, komuniteti serb është duke dhënë kontribut në të ardhmëne e Kosovës”, është shprehur ambasadori amerikan.

Kosnett thotë se Kosova dhe SHBA kanë të përbashkët diverstitetin dhe se kështu duhet të qëndrojnë gjithmonë.

“Për një amerikan, të jetë në shtet multikultural, multireligjioz është një gjë normale. Unë kam thënë se e përbashkëta e Kosovës dhe Amerikës është diverstiteti i njerëzve. Dhe, shpresoj se kështu do të jetë gjithmonë”, ka thënë diplomati.