Kongresi kërkon të dëgjojë Ivankën dhe Donald Jr për çështjen ruse

Komisioni i mbikëqyrjes në Kongresin amerikan, synon të thërrasë si dëshmitarë dy fëmijët e presidentit Donald Trump, Ivankën dhe Donald Jr, si dhe drejtorin financiar të “Trump Organization”, Allen Weisselberg.

Këtë njoftim e bëri presidenti i këtij komisioni, Elijah Cummings, pasi dëgjoi ish-avokatin e presidentit amerikan, Michael Cohen, shkruan ATSH.Cohen ka përfshirë në deklaratat e tij këta të tre si dhe shumë persona të tjerë për sa i përket negociatave me rusët për projektin e një “Trump Tower” në Moskë.